Saturday, April 26, 2014

ఎన్నికలలో

మళ్ళీ ఎన్నికలొచ్చేసాయి.
ఆ పార్టీలు ఈ పార్టీలు అని లేకుండా వాగ్దానాలతో ఊదర కొట్టేస్తున్నాయి
ప్రతి నాయకునికి తన వైన కలలు.
ఒక సామాన్య వోటరు గా నాకు కొన్ని కలలున్నాయి.
వీటికి దగ్గరగా ఏ పార్టీ వస్తే వాళ్ళకే నా వోటు అని చెప్పక్కరలేదు.

1. రోటి కపడా ఔర్ మకాన్  రోజ్గార్ కి జరియే

స్వతంత్రం వచ్చి ఏళ్ళు పూళ్ళు గడుస్తున్నా, కనీస వసతులకు మొహం వచ్చి ఉండటం. 60 ఏళ్ళ తర్వాత ఇంకా వీటి గురించి రాయటం సిగ్గుచేటే అయినా ఇన్నాళ్ళ కుహనా వ్యవస్తలు సాధించలేక పోయిన సత్యాలివి.
అలాని జనాలకు కావాల్సింది వూరికి దూరంగా ఇందిరమ్మ ఇల్లో, రూపాయి కొచ్చే ముక్కిపోయిన బియ్యమో కాదు. తమ కాళ్ళ మీద తాము నిలబడే సామర్ద్యం. జనాలని మరింత సోమరిపోతులను చేసే పధకాలను పక్కన పెట్టి, విద్య ఉపాది పై ద్రుష్టి పెట్టె యోచన కావాలి

2. ధరల పై నియంత్రణ

నాకింకా గుర్తుంది. 2007 లో US వెళ్ళినప్పుడు పాల ధర ఏంటో ఇప్పుడు అంతే. మిగతా వస్తువులు పెద్ద మార్పులున్నట్టు కనపడవు.కాని ఇక్కడ ప్రతి వస్తువు కనీసం 2 రెట్లు పెరిగిన వైనం. ఇది ప్రభుత్వ పూర్తీ వైఫల్యం.
ఇంకెవరినీ దీనిలో భాద్యులం చెయ్యలెము. ఉత్పత్తి లో హెచ్చుతగ్గులు మార్కెట్ డైనమిక్స్ అని సర్ది చెప్పుకున్నా ఇంకా ప్రభుత్వం ఏమి చేస్తున్నట్టు.

3. జనాభా నియంత్రణ

జనం అంటే వోట్లు గా కనపడే ఈ దేశం లో జనాభా నియంత్రణ ఎవరు గుర్తించని ఒక ప్రధాన సమస్య. తోలి జనాభా నియంత్రణ అమలు చేసింది ఇండియా అని చెప్పుకునే ముందు మన జనాభా వృద్ది రేట్ చుస్తే అతి దారుణం గా విఫలమైన పధకం ఇదే అని తేట తెల్ల మవుతుంది. చైనా రష్యా లాగ పక్క దేశాల మీద పడి భూభాగం పెంచుకునే దమ్ము మనకు ఎలాగు లేదు కాబట్టి, జనాభా వృద్ది అరికట్టే పదకాలు కావాలి

4. రిజర్వేషన్ సబ్ పరేషాన్

పిచ్చోడి చేతిలో రాయి ఇండియా లో రిజర్వేషన్. కులాల ప్రతి పాదిక పై మరో రాజకీయ ఎత్తుగడ. రిజర్వేషన్ వ్యవస్థ పూర్తిగా ప్రక్షాళన చేసి ఆర్ధిక పరిస్తితుల ఆధారం తో పని చేసే వ్యవస్థ కావాలి. అగ్ర కులాల్లో ఆర్ధికం గా వెనక బడ్డ వారు లేరా... మరి వాళ్లకు రిజర్వేషన్ అక్కర్లెదా.. ఇక్కడే ప్రస్తుత వ్యవస్థ మనిషిని మరచి కులం వెనక పాకు లాడినది. ఇది ప్రజాస్వామ్య స్పూర్తి కే  విరుద్దం.

5. అవినీతి

ఇందుగల దండులేడని శ్రీహరి అన్నట్టు  మన వ్యవస్తలో అంతర్లీనమైన అద్భుత దుర్వ్యవస్త  అవినీతి, లంచగొండి తనం, భన్దుప్రీతి. కన్యాకుమారి నుంచి కాశ్మీర్ హద్దుల దాకా ఏ ఒక్క సర్కారి పని పడిందా. అయ్యనో అమ్మనో సంతృప్తి పరచాల్సినదే. అది కామన్ వెల్త్ గేమ్స్ అనండి 2 జి  అనండి బళ్ళారి గనులనండి మరి
ప్రకాశం జిల్లా సెజ్ అనండి ఏలిన వారి హయాం లో సర్వం కైంకర్యమె. జనం లో వ్యవస్తల పట్ల ఏహ్య భావం కలగడానికి ఇంత కన్నా ఇంకేం కావాలి

6. రవాణ ఇతర సౌకర్యాలు

అభివృద్ధి చెందినా దేశాలకు మనకు అదో పెద్ద తేడా. పెద్ద అడ్డంకి  కూడా.

ఇంకా నా లిస్టు లో చాల కలలున్నాయి. సత్వరం పని చేసే న్యాయ వ్యవస్థ, దృఢమైన విదేశాంగ విధానం, ఎకానమీ వృద్ది, అధికార వికేంద్రికరణ, గట్రా గట్రా

కాని ఇవన్నీ ఆశించే ముందు ;

ఎదా ప్రజా తదా రాజా అని భేషుగ్గా నమ్మే మొదటి వాడిని నేను. ఈ రాజకీయులంతా మనలో వాళ్ళే. సిగ్గులేకుండా మనం ఎన్నుకున్న వాళ్ళే, కాబట్టి వల్లనేదో తిట్టేసేముందు  మనం నిజాయితీగా వోటు వేస్తున్నామా అనేది చుస్కొవాలి.

ఈ సందర్భం లో రవీంద్రుని గీతాంజలి జ్ఞాపకమోస్తుంది

Where the mind is without fear and the head is held high;
Where knowledge is free;
Where the world has not been broken up into fragments by narrow domestic walls;
Where words come out from the depth of truth;
Where tireless striving stretches its arms towards perfection;
Where the clear stream of reason has not lost its way into the dreary desert sand of dead habit;
Where the mind is led forward by thee into ever-widening thought and action---
Into that heaven of freedom, my Father, let my country awake.

Oh my father...give my people more wisdom to chose the right....