Tuesday, February 10, 2015

ప్రేమ

ప్రేమంటే రెండు గుండెల చప్పుడే కావక్కర్లేదు 
ఒక గుండె పడే వేదనా ప్రేమ కావచ్చు 

ప్రేమంటే వసంత సమీరమే కావక్కర్లేదు 
వేసవి వడగాల్పు కూడా ప్రేమ కావచ్చు 

ప్రేమంటే  గాఢ పరిశ్వన్గమే కావక్కర్లేదు 
ఒంటరి నిట్టుర్పు ప్రేమే కావచ్చు 

ప్రేమంటే తలుక్కున మెరిసే ప్రేయసి  నవ్వే కావక్కర్లేదు 
ప్రియతము  గానని  కంటి నీరే కావచ్చు 

ప్రేమంటే ఒక కలయికే కావక్కర్లేదు 
నిరీక్షణ కూడా  ప్రేమ కావచ్చు 

ప్రేమంటే నువ్వే కావక్కర్లేదు 
నీ ఊహల్లో నిండా మునిగిన నేను కావచ్చు