నాకు తెలుసు

నీమీద నాకున్నది ప్రేమ లేక మరొకటా
ఈ లోకం లెక్కల్లో నా వాదనలు కలిపి కంగాలి చేయ్యదలచలేదు
నా మనసులో భావాలకు కొలబద్దలతో కొలత వెయ్యలేదు

నువ్వంటే నాకిష్టం అని చెప్పడానికి
ఆల్జీబ్రా లెక్కలు అవసరం లేదు

ఎంత అని నువ్వడిగితే
నువ్వు లేకపోతె బతకలేనంత
అని మాత్రమె నాకు తెలుసు

ప్రేమంటే ఇది అది ఇంకోటని
ఎవరన్నా ఎమన్నా చెప్పనీ
నీకే నా వాదన అసంబ్బద్దం
అనిపించనీ

కాని నా కివన్నీ తెలీదు
కానీ ప్రేమంటే నువ్వని మాత్రం నాకు తెలుసు

నీతో గడిపిన ప్రతిక్షణం
చేత చిక్కిన ఇసుక రేనువులైతే
ఈ రేణువులు జారిపోయ్యేలోగా
నా గుండె ఆగిపోతే బావుంటదని నాకు తెలుసు

ఈ ప్రపంచం దృష్టిలో నాకేం తెలియక పోవచ్చు
కాని ఈ ప్రపంచానికి తెలియని మరో పార్శ్వంలో నాకున్నదంతా నువ్వే నని నాకు తెలుసు